Դամասկոսում ՌԴ դեսպանատան ուղղությամբ կրակ է բացվել
21:34, 28 Հոկտեմբեր 2016
ԵՐԵՎԱՆ, 28 ՀՈԿՏԵՄԲԵՐԻ, ԱՐՄԵՆՊՐԵՍ: Սիրիայի հակակառավարական ուժերը կրակ են բացել Դամասկոսում Ռուսաստանի դեսպանատան ուղղությամբ: Այդ մասին հաղորդում է ՌԴ արտաքին գործերի նախարարությունը:
Ընդգծվում է, որ հոկտեմբերի 28-ին մոտավորապես 15:00-ի սահմաններում Սիրիայում ՌԴ դեսպանատան ուղղությամբ ահաբեկիչներն արձակել են երկու ականանետային արկ:
«Կրակը բացվել է Ջոբար շրջանից, որը շարունակում է մնալ հակակառավարական ուժերի վերահսկողության տակ»,- «Արմենպրես»-ի փոխանցմամբ՝ ընդգծել է ՌԴ ԱԳՆ-ն:
Արկերից մեկը պայթել է դեսպանատան գլխավոր մուտքի մոտ, իսկ երկրորդը դեսպատանական շրջակայքում:
Դեպքի հետևանքով ոչ ոք չի տուժել:
Բաժանորդագրվեք մեր ալիքին Telegram-ում