Թուրքական ռազմական ինքնաթիռները փորձել են հատել սիրիական սահմանը
19:47, 28 Հոկտեմբեր 2016
ԵՐԵՎԱՆ, 28 ՀՈԿՏԵՄԲԵՐԻ, ԱՐՄԵՆՊՐԵՍ: Թուրքական ռազմական ինքնաթիռները փորձել են հատել թուրք-սիրիական օդային սահմանը:
Այս մասին, ինչպես հաղորդում է «Արմենպրես»-ը, հայտնում է թուրքական demokrathaber.org լրատվական կայքը:
Թուրքական ռազմական ինքնաթիռները Սիրիայի սահմանը փորձել են հատել Հալեպի հյուսիսից եւ հետ են քաշվել սիրիական եւ Սիրիայում գտնվող ռուսական զորքերի հրամանատարությունների նախազգուշացումից հետո միայն:
Թուրքիան Սիրիայի տարածքում 2016 թվականի օգոստոսի 24-ից իրականացնում է «Եփրատի վահան» կոչվող գործողությունը: «Իսլամական պետություն» ահաբեկչական խմբավորման դեմ պայքարելու պատրվակով թուրքական ուժերը հիմնական հարվածը հասցնում են Սիրիայի քրդերին:
Բաժանորդագրվեք մեր ալիքին Telegram-ում