Գլխավոր շտաբը խնդրել է Պուտինին վերականգնել ավիահարվածները Հալեպում
ԵՐԵՎԱՆ, 28 ՀՈԿՏԵՄԲԵՐԻ, ԱՐՄԵՆՊՐԵՍ: Ռուս զինվորականները դիմել են ՌԴ զինված ուժերի գերագույն գլխավոր հրամանատար, նախագահ Վլադիմիր Պուտինին` խնդրելով վերականգնել ավիահարվարծները Հալեպի հարավում գտնվող գրոհայինների ուղղությամբ: Այդ մասին տեղեկացրել է ՌԴ ԶՈՒ գլխավոր շտաբի գլխավոր օպերատիվ վարչության պետ Սերգեյ Ռուդսկոյը:
«Կապված նրա հետ, որ խաղաղ բնակիչների մահվան դեպքերը չեն դադարում, գրոհայինները վերականգնել են ռազմական ակտիվ գործողությունները կառավարական ուժերի դեմ, մենք դիմել ենք ՌԴ ԶՈՒ-ի գերագույն գլխավոր հրամանատարին` խնդրելով վերականգնել ավիահարվածները Հալեպի հարավում գտնվող անօրինական զինված կազմավորումների դեմ»,- ինչպես փոխանցում է «Արմենպրես»-ը՝ վկայակոչելով TASS-ը, ասել է Ռուդսկոյը:
ՌԴ պաշտպանության նախարարությունում ընդգծել են, որ ՌԴ ավիացիան արդեն 10 օր է թռիչքներ չի իրականացնում Հալեպի շրջակայքում:
Բաժանորդագրվեք մեր ալիքին Telegram-ում