Վահրամ Բաղդասարյանն անդրադարձել է Ծառուկյանի քաղաքականություն վերադառնալու հնարավորությանը
ԵՐԵՎԱՆ, 28 ՀՈԿՏԵՄԲԵՐԻ, ԱՐՄԵՆՊՐԵՍ: Յուրաքանչյուր քաղաքացի իրավունք ունի մտնել քաղաքական դաշտ, եթե այդպես որոշում է ժողովուրդը: Ինչպես տեեկացնում է «Արմենպրես»-ը, Ազգային ժողովում խորհրդարանական ճեպազրույցների շրջանակներում լրագրողների հետ հանդիպմանն այս մասին ասաց ԱԺ ՀՀԿ խմբակցության ղեկավար Վահրամ Բաղդասարյանը՝ անդրադառնալով Գագիկ Ծառուկյանի՝ քաղաքականություն վերադառնալու հնարավորությանը:
Դիտարկմանը, թե տեղեկություններ կան, որ Գագիկ Ծառուկյանը քաղաքականություն վերադառնալու հարցը համաձայնեցրել է ՀՀ Նախագահ Սերժ Սարգսյանի և ՀՀԿ-ի հետ, Վահրամ Բաղդասարյանը պատասխանեց. «Այդ հարցով որևէ հանդիպում կամ քննարկում ՀՀԿ-ականների, առավել ևս Նախագահ Սերժ Սարգսյանի հետ, չի եղել»:
Պատգամավորի խոսքով՝ դրանք զուտ լրատվական հետաքրքրություններ են: Նրա կարծիքով՝ եթե քաղաքականություն պետք է թույլտվությամբ մտնեն, այդ դեպքում ավելի լավ է չմտնելը: «Ակտիվ դերակատարում ունեցողները իրենք են որոշում՝ գա՞լ քաղաքականություն, թե՞ չգալ»,- եզրափակեց պատգամավորը:
Բաժանորդագրվեք մեր ալիքին Telegram-ում