Երևանի քաղաքապետը ներկա է գտնվել ՃՇՀԱՀ-ի 95-ամյակին նվիրված հոբելյանական միջոցառմանը
20:55, 27 Հոկտեմբեր 2016
ԵՐԵՎԱՆ, 27 ՀՈԿՏԵՄԲԵՐԻ, ԱՐՄԵՆՊՐԵՍ: Երևանի քաղաքապետ, Ճարտարապետության և շինարարության Հայաստանի ազգային համալսարանի (ՃՇՀԱՀ) հոգաբարձուների խորհրդի նախագահ Տարոն Մարգարյանը ներկա է գտնվել համալսարանի 95-ամյակին նվիրված հոբելյանական միջոցառմանը:
Ինչպես «Արմենպրես»-ին տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից, համերգային ծրագրով ուղեկցվող միջոցառման շրջանակում ներկայացվել է բուհի անցած ճանապարհը, ձեռքբերումներով հարուստ պատմական ուղին, որը գրեթե մեկ դար կերտում է Հայաստանի պատմությունը՝ ճարտարապետության և շինարարության միջոցով:
Բաժանորդագրվեք մեր ալիքին Telegram-ում