Բիշքեկում ընթանում Է ԱՊՀ-ի երկրների ստեղծագործական ու գիտական մտավորականության համաժողովը
ԵՐԵՎԱՆ, 27 ՀՈԿՏԵՄԲԵՐԻ, ԱՐՄԵՆՊՐԵՍ: Ղրղզստանի մայրաքաղաք Բիշքեկում ընթանում Է ԱՊՀ-ի երկրների ստեղծագործական ու գիտական մտավորականության համաժողովը, որի մասնակիցները քննարկում են Համագործակցության ժողովուրդների միջեւ հարաբերությունների ամրապնդումը, տեղեկացնում Է «Արմենպրես»-ը: Ներկայիս համաժողովի հանգուցային թեման Համագործակցության ստեղծման 25-ամյակն Է:
Համաժողովի մասնակիցներին ողջույնի ուղերձներ են հղել Ռուսաստանի նախագահ Վլադիմիր Պուտինը եւ Ղրղզստանի նախագահ Ալմազբեկ Աթամբաեւը:
«Համաժողովն ապացուցել Է իր արդյունավետությունը, այն խոշորագույն ավանդական միջոցառումն Է ԱՊՀ-ի հումանիտար կյանքում»,-ասված Է ՌԴ նախագահի ողջույնի խոսքում:
Պուտինը նաեւ վստահություն Է հայտնել, որ համաժողովի ընթացքում մշակված առաջարկությունները կնպաստեն ինտեգրացիոն գործընթացների ամրապնդմանը:
«Ներկայիս հանդիպումն ընթանում Է ԱՊՀ-ի պետությունների ղեկավարների կողմից հայտարարված կրթության տարում»,-ասված Է համաժողովի մասնակիցներին Ղրղզստանի նախագահի հղած ուղերձում: Նրա կարծիքով՝ արդի աշխարհում գիտելիքների ու կրթության հեղինակությունը շատ բարձր Է:
«ԱՊՀ-ն 25 տարվա ընթացքում տարբեր ժամանակներ Է ապրել, բայց մեր հումանիտար ու մշակութային կապերը երբեք չեն ընդհատվել, մեզ հարկավոր Է պահպանել այդ հարստությունը»,-նշել Է Աթամբաեւը՝ ընդսմին վստահություն հայտնելով, որ ներկայիս համաժողովը կմիավորի «մտավորականների ջանքերը ԱՊՀ-ի հումանիտար համագործակցության զարգացման գործում», հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում