Ադրբեջանի խոշորագույն բանկերը կասեցրել են դոլարի վաճառքը
ԵՐԵՎԱՆ, 26 ՀՈՏԵՄԲԵՐԻ, ԱՐՄԵՆՊՐԵՍ: Ադրբեջանի խոշորագույն բանկերը հոկտեմբերի 26-ին կրկին դադարեցրել են դոլարի վաճառքը:
Այս մասին, ինչպես հաղորդում է «Արմենպրես»-ը, հայտնում է ադրբեջանական marja.az լրատվական կայքը:
Այսօր` հոկտեմբերի 26-ին, ադրբեջանական Kapitalbank, Azər-Türk Bank, Bank VTB (Azərbaycan), Paşabank, AFB բանկերը հրաժարվել են դոլար վաճառել:
Naxçıvanbank-ը դոլարի վաճառքը իրականացրել է 500 դոլար սահմանաչափով, իսկ Bank Respublika բանկը` 5000 դոլար սահմանաչափով:
Նավթի համաշխարհային գների եւ մանաթի փոխարժեքի անկման պատճառով Ադրբեջանի տնտեսությունը հայտնվել է ճգնաժամի մեջ. փակվել են նավթաարդյունաբերության մի շարք ձեռնարկություններ, պետական եւ մասնավոր հաստատություներ, հազարավոր աշխատավորներ գործազուրկ են դարձել, Ադրբեջանի տնտեսական աճն օրեցօր նվազում է, միջազգային վարկանիշային գործակալությունների համաձայն` Ադրբեջանական բանկերը կանգնած են ռիսկի սահմանին, մինչ օրս ադրբեջանում 13 բանկ է փակվել:
Բաժանորդագրվեք մեր ալիքին Telegram-ում