Աղցքի դամբարանի հետագա ուսումնասիրությունների համար անհրաժեշտ է ենթակառուցվածքներ ստեղծել. Արմեն Ամիրյան
17:09, 26 Հոկտեմբեր 2016
ԵՐԵՎԱՆ, 26 ՀՈԿՏԵՄԲԵՐԻ, ԱՐՄԵՆՊՐԵՍ: Աղցքի Արշակունիների 4-րդ դարի դամբարանը խիստ կարեւոր նշանակություն ունի թե պատմագիտական, եւ թե մշակութային առումով, այդ իսկ պատճառով հետագա ուսումնասիրությունների համար անհրաժեշտ է ենթակառուցվածքներ ստեղծել: «Արմենպրես»-ի հաղորդմամբ՝ Ազգային ժողովում կառավարության հետ հարցուպատասխանի ժամանակ այս մասին ասաց ՀՀ մշակույթի նախարար Արմեն Ամիրյանը՝ պատասխանելով պատգամավոր Արագած Ախոյանի հարցին:
Արմեն Ամիրյանը հավելեց, որ 2014-2017թթ-ի համապատասխան ծրագրով Աղցքի արքայական դամբարանադաշտի տարածքի վերականգնման, թանգարայնացման եւ ուսումնասիրությունների համար հատկացված միջոցներով աշխատանքները շարունակվում են:
Բաժանորդագրվեք մեր ալիքին Telegram-ում