ԵՄ-ի անդամները միասնական դիրքորոշում չունեն Ռուսաստանի նկատմամբ. Տուսկ
ԵՐԵՎԱՆ, 26 ՀՈԿՏԵՄԲԵՐԻ, ԱՐՄԵՆՊՐԵՍ: Եվրախորհրդի ղեկավար Դոնալդ Տուսկը հոկտեմբերի 26-ին ընդունել Է, որ Եվրամիության անդամ երկրների շրջանում միասնական դիրքորոշում չկա Ռուսաստանի նկատմամբ քաղաքականության հարցում, տեղեկացնում Է «Արմենպրես»-ը:
«Մենք պետք Է պահպանենք միասնությունը Ռուսաստանի հետ մեր հարաբերություններում»,-ասել Է նա՝ Ստրասբուրգում ելույթ ունենալով Եվրախորհրդի լիագումար նստաշրջանում, որը հեռարձակում Էր Եվրահանձնաժողովի տեսածառայությունը:
Տուսկի խոսքով՝ եթե Եվրամիությունը ցանկանում Է արդյունավետ քաղաքականություն վարել ՌԴ-ի նկատմամբ, «մենք (ԵՄ-ի երկրները) պետք Է միասնական լինենք որպես Եվրամիություն»:
Եվրախորհրդի ղեկավարը մեկնաբանել Է հոկտեմբերի 20-21-ին Բրյուսելում կայացած ԵՄ-ի գագաթնաժողովի արդյունքները, որի մասնակիցները բանավեճ են անցկացրել ՌԴ-ի հետ հարաբերությունների շուրջ, բայց հավանություն չեն տվել Սիրիայի պատճառով նոր պատժամիջոցների ընդունմանը:
Բաժանորդագրվեք մեր ալիքին Telegram-ում