Արթուր Աբրահամ-Մարտին Մյուրեյ մենամարտը չեղարկվել Է
ԵՐԵՎԱՆ, 26 ՀՈԿՏԵՄԲԵՐԻ, ԱՐՄԵՆՊՐԵՍ: Հայ պրոֆեսիոնալ բռնցքամարտիկ Արթուր Աբրահամի մենամարտը, որը պետք է տեղի ունենար նոյեմբերի 12-ին Մանտե Կառլոյում, չեղարկվել է: Այս մասին «Արմենպրես»-ին տեղեկացրեց Արթուր Աբրահամի մամլո խոսնակ Սիրան Գրիգորյանը:
Մենամարտը չեղարկվել է, քանի որ մարզումների ընթացքում` սփարինգ մենամարտի ժամանակ, Արթուր Աբրահամը վնասել է արմունկը: Մեր հայրենակիցը երեք շաբաթ պետք է դադարեցնի մարզումները: Թե երբ կկայանա Արթուր Աբրահամի գալիք մենամարտը և ով կլինի մրցակիցը, դեռ որոշված չէ:
Աբրահամի մրցակիցը նոյեմբերի 12-ին նախատեսված մենամարտում բրիտանացի Մարտին Մյուրեյն էր, ում հետ մեր հայրենակիցն արդեն մեկ անգամ մենամարտել է: Աբրահամի և Մյուրեյի միջև առաջին մենամարտը տեղի է ունեցել 2015-ի նոյեմբերին և ավարտվել Արթուրի հաղթանակով:
Բաժանորդագրվեք մեր ալիքին Telegram-ում