Ճապոնիայում 1920 թվականից ի վեր առաջին անգամ բնակչության կրճատում Է գրանցվել
ԵՐԵՎԱՆ, 26 ՀՈԿՏԵՄԲԵՐԻ, ԱՐՄԵՆՊՐԵՍ: Ճապոնիայում 2015 թվականին առաջին անգամ բնակչության կրճատում Է գրանցվել: Այդ մասին, ինչպես տեղեկացնում Է «Արմենպրես»-ը, հոկտեմբերի 26-ին հայտարարել Է երկրի վարչական գործերի եւ հաղորդակցությունների նախարարությունը:
Նշվում Է, որ 2015 թվականին Ճապոնիայի բնակչությունը 2010 թվականի համեմատությամբ, երբ վերջին անգամ նման հետազոտություն Է անցկացվել, կրճատվել Է 0,8 տոկոսով եւ կազմել 127 մլն 95 հազար մարդ:
Ճապոնիայի բնակչության կրճատումն առաջին անգամ Է գրանցվել 1920 թվականից ի վեր, երբ գերատեսչությունն սկսել Է նման վիճակագրություն հավաքել:
Ծերացումը եւ ժողովրդագրական անկումը համարվում են Ճապոնիայի ամենասուր սոցիալական խնդիրները: Ինչպես արդեն քանիցս նշել են տեղական իշխանությունները, դրա գլխավոր պատճառը ցածր ծնելիությունն Է ու երկարակեցությունը: Արդյունքում՝ Ճապոնիայի բնակչության ընդհանուր թվաքանակում երեխաների բաժինը մշտապես նվազում Է: Տարեց մարդկանց բաժինը, ընդհակառակը, ավելի ու ավելի Է մեծանում:
Այսպես, վերջին ուսումնասիրության համաձայն, 65 եւ ավելի բարձր տարիքի ճապոնացիների թիվը 2015 թվականին կազմել Է 33,42 միլիոն կամ երկրի բնակչության 26,7 տոկոսը, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում