1000х90.jpg (78 KB)

Երևանում՝ 11:07,   29 Մարտ 2024

Քննիչները բացահայտել են Շիրակում հոկտեմբերի 24-ին տեղի ունեցած սպանությունը

Քննիչները բացահայտել են Շիրակում հոկտեմբերի 24-ին տեղի ունեցած սպանությունը

ԵՐԵՎԱՆ, 25 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ քննչական կոմիտեի Շիրակի մարզային քննչական վարչության Ախուրյանի քննչական բաժնում հարուցվել է քրեական գործ՝ 55-ամյա տղամարդու սպանության դեպքի առթիվ։ Ձեռնարկված անհետաձգելի քննչական գործողությունների արդյունքում պարզվել են  դեպքի մի շարք հանգամանքներ, առերևույթ հանցագործություն կատարած անձի ինքնությունը, շարժառիթը։

2016 թվականի հոկտեմբերի 24-ին՝ ժամը 17:35-ին, «Գյումրի բժշկական կենտրոն» ՓԲԸ-ից ահազանգ է ստացվել առ այն, որ հիվանդանոց է տեղափոխվել Շիրակի մարզի 55-ամյա  Լ.Հաջյանի դին:

Տղամարդու դիակի արտաքին զննությամբ հայտնաբերվել են «աջ վերակնակապճային հատվածի սալջարդ, պատռված վերքի, արյունահոսության հետքերով քթի այտուցված սալջարդի, կրծքավանդակի առաջային մակերեսի հարկրծոսկրի հատվածի ծակած-կտրած վերքի» ձևերով մարմնական վնասվածքներ:

Դեպքի առթիվ նույն օրը՝ հոկտեմբերի 24-ին, Շիրակի մարզային քննչական վարչության Ախուրյանի քննչական բաժնում հարուցվել է քրեական գործ ՀՀ քրեական օրենսգրքի 104-րդ հոդվածի 1-ին մասի հատկանիշներով, որի շրջանաներում  55-ամյա տղամարդը ճանաչվել է տուժող:

Ինչպես «Արմենպրես»-ին տեղեկացրին ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժնից, ձեռնարկված միջոցառումների արդյունքում պարզվել է, որ տղամարդը կյանքի հետ անհամատեղելի մարմնական վնասվածքներն ստացել է իր բնակության վայրում, որտեղ կատարված զննությամբ հայտնաբերվել են արնանման հետքեր, արնանման հետքերով հագուստներ։

Նախնական տվյալներով՝ հոկտեմբերի 24-ին Լ.Հաջյանի բնակարանում անձնական հարցերի շուրջ առաջացել է վիճաբանություն՝ նրա և 30-ամյա տղամարդու միջև, որի ժամանակ էլ վերջինս դանակով հարվածել է տանտիրոջը։ Կասկածյալը ձերբակալվել է և հարցաքննվել դեպքի շուրջ։ Քրեական գործով էական նշանակություն ունեցող հանգամանքները պարզելու համար նշանակվել են փորձաքննություններ։

Նախաքննությունը շարունակվում է: Միջոցներ են ձեռնարկվում՝ դեպքի բազմակողմանի, օբյեկտիվ և լրիվ քննությունն ապահովելու համար:

Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորություննապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]