Վատիկանի միջնորդությամբ՝ Վենեսուելայի կառավարությունն ու ընդդիմությունը բանակցություններ կսկսեն
ԵՐԵՎԱՆ, 25 ՀՈԿՏԵՄԲԵՐԻ, ԱՐՄԵՆՊՐԵՍ: Հռոմի Ֆրանցիսկոս պապը Վատիկանում ընդունել Է Վենեսուելայի նախագահ Նիկոլաս Մադուրոյին: Ինչպես հայտնել Է Վատիկանի մամուլի ծառայությունը, այդ հանդիպումը վաղօրոք ծրագրված չի եղել եւ կայացել Է լատինաամերիկյան երկրում քաղաքական անկայունության ֆոնին, տեղեկացնում Է «Արմենպրես»-ը՝՝ հղում անելով BBC-ին:
Նշվում Է, որ քահանայապետը հորդորել Է նախագահին «համարձակորեն բռնել ազնիվ ու կառուցողական երկխոսության ուղին»:
Նաեւ հոկտեմբերի 24-ին Վենեսուելայի ընդդիմության ղեկավարները երկրի մայրաքաղաք Կարակասում հանդիպում են ունեցել Վատիկանի ներկայացուցիչների հետ:
Ինչպես հայտնել Է Արգենտինայում Վատիկանի դեսպանը, Վենեսուելայի կառավարության եւ ընդդիմության ներկայացուցիչները պայմանավորվել են ճգնաժամի կարգավորման շուրջ բանակցություններ սկսել հոկտեմբերի 30-ին:
Լուսանկարը`AP
Բաժանորդագրվեք մեր ալիքին Telegram-ում