WikiLeaks-ը հրապարակել է Քլինթոնի նախընտրական շտաբի ղեկավարի նամակների նոր խմբաքանակը
ԵՐԵՎԱՆ, 24 ՀՈԿՏԵՄԲԵՐԻ, ԱՐՄԵՆՊՐԵՍ: WikiLeaks կազմակերպությունը հրապարակել է ԱՄՆ-ում դեմոկրատական կուսակցությունից նախագահի թեկնածու Հիլարի Քլինթոնի նախընտրական շտաբի ղեկավար Ջոն Պոդեստի նոր նամակները: Ինչպես հաղորդում է «Արմենպրես»-ը` վկայակոչելով «ՏԱՍՍ» գործակալությանը, նյութերը բաց հրապարակվել են կազմակերպության կայքէջում:
Հրապարակված նամակները Քլինթոնի շտաբի ղեկավարի նամակագրության 17-րդ մասն են: Ընդհանուր առմամբ, հրապարակված նամակների քանակն անցնում է 30 հազարը:
Հուլիսին հրապարակվել էր դեմոկրատական կուսակցության համակարգչային ցանցից անհայտ հաքերների կողմից հափշտակված էլեկտրոնային նամակագրություն: Քլինթոնի կողմնակիցները և ԱՄՆ-ի լրատվամիջոցները տեղեկություն էին շրջանառում այն մասին, թե դա ռուս հաքերների ձեռքի գործն է, սակայն քննության ընթացքում այդ տեղեկատվությունը չհաստատվեց:
Բաժանորդագրվեք մեր ալիքին Telegram-ում