Բելառուսը բարձրացնում է ռուսական նավթը Եվրոպա տարանցելու համար վճարը
ԵՐԵՎԱՆ, 1 ՀՈԿՏԵՄԲԵՐԻ, ԱՐՄԵՆՊՐԵՍ: Բելառուսը հոկտեմբերի 11-ից 50 տոկոսով կբարձրացնի իր տարածքով նավթամուղների միջոցով նավթի տարանցման համար վճարը: Ինչպես հաղորդում է «Արմենպրես»-ը` վկայակոչելով Interfax-ը, համապատասխան որոշման մեջ խոսվում է «Գոմելտրանսնեֆտ Դրուժբա» և «Պոլոցկտրանսնեֆտ Դրուժբա» ձեռնարկություններին պատկանող նավթամուղների ցանցի մասին:
Որոշումը հիմնականում առնչվում է Ռուսաստանից Գերմանիա, Չեխիա, Սլովակիա, Լեհաստան, Հունգարիա և Ուկրաինա ուղղվող նավթամուղերին:
Ունեչա-Ադամովա ուղղությամբ տարանցման գինը կաճի գրեթե կրկնակի` մեկ տոննա նավթի դիմաց 267 ռուսական ռուբլուց բարձրանալով 400-ի, իսկ Ունեչա-Բրոդի ուղղությամբ գինը 114 ռուբլուց կդառնա 172 ռուբլի:
Բելառուսի տարածքով անցնում են «Դրուժբա» մագիստրալային նավթամուղի հյուսիսային և հարավային ճյուղերը, որոնցից յուրաքանչյուրի համար պատասխանատու են համապատասխանաբար «Պոլոցկտրանսնեֆտ»-ը և «Գոմելտրանսնեֆտ»-ը:
Բաժանորդագրվեք մեր ալիքին Telegram-ում