«Էրեբունի-Երևան 2798» միջոցառումների սոցիալական բաղադրիչի շրջանակում օժանդակություն է ցուցաբերվել 264 ընտանիքների
ԵՐԵՎԱՆ, 1 ՀՈԿՏԵՄԲԵՐԻ, ԱՐՄԵՆՊՐԵՍ: «Էրեբունի-Երևան 2798» տոնակատարության շրջանակում հոկտեմբերի 1-ին մեկնարկել է անցկացվող սոցիալական բաղադրիչ-ծրագրի 5-րդ օրը:
Ինչպես «Արմենպրես»-ին տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից, նվերներով բեռնված մեքենաները, ծրագրի պատասխանատուների հետ միասին ուղղություն են վերցրել դեպի մայրաքաղաքի վարչական շրջանները:
Օրվա ընթացքում նվերներ կբաժանվեն 264 ընտանիքների: Ծրագրում ընդգրկված են անապահովության գնահատման համակարգում հաշվառված երևանաբնակ կարիքավոր ընտանիքներ, սոցիալական և հասարակական տարբեր խմբերի՝ գիտության, մշակույթի գործիչների, բուժաշխատողների, մանկավարժների, սիրիահայերի ընտանիքներ, տարեցներ, բազմազավակ, ինչպես նաև երիտասարդ ու սոցիալական մի շարք այլ խմբերում ընդգրկված ընտանիքներ, Արցախյան պատերազմի մասնակցիների և զոհված ազատամարտիկների, Հայրենական մեծ պատերազմի վետերանների, նաև միաժամանակ երկու զինծառայող ունեցող ընտանիքներ:
«Էրեբունի-Երևան 2798» տոնակատարության շրջանակում անցկացվող սոցիալական բաղադրիչ-ծրագիրը կշարունակվի ևս 5 օր:
Բաժանորդագրվեք մեր ալիքին Telegram-ում