«Զվարթնոց» օդանավակայանի «Ժամանում» և «Մեկնում» սրահների դիմաց նոր տեսախցիկներ կգործեն
21:36, 30 Սեպտեմբեր 2016
ԵՐԵՎԱՆ, 30 ՍԵՊՏԵՄԲԵՐԻ, ԱՐՄԵՆՊՐԵՍ: Ճանապարհային ոստիկանությունը տեղեկացնում է, որ շարունակվում են երթևեկության նկատմամբ վերահսկողության և իրավախախտումների արձանագրման արագաչափ սարքերի և տեսախցիկների տեղադրման աշխատանքները:
Ինչպես «Արմենպրես»-ը տեղեկացրին ՀՀ ոստիկանության հասարակայնության հետ կապերի և լրատվության վարչությունից, 2016 թ. հոկտեմբերի 10-ից գործարկվելու են հետևյալ վայրերում տեղադրված տեսախցիկները.
- Էջմիածնի խճուղի- Ի. Գասպարյան փողոցների խաչմերուկ («Զվարթնոց» օդանավակայանի խաչմերուկ),
- «Զվարթնոց» օդանավակայանի «Ժամանում» և «Մեկնում» սրահների դիմացի ճանապարհահատվածներ:
Ճանապարհային ոստիկանությունը հորդորում է վարորդներին պահպանել ճանապարհային երթևեկության կանոնները:
Բաժանորդագրվեք մեր ալիքին Telegram-ում