Ֆիլիպինների նախագահը նոր սկանդալային հայտարարություն Է արել՝ իրեն համեմատելով Հիտլերի հետ
ԵՐԵՎԱՆ, 30 ՍԵՊՏԵՄԲԵՐԻ, ԱՐՄԵՆՊՐԵՍ: Ֆիլիպինների նախագահ Ռոդրիգո Դուտերտեն նոր սկանդալային հայտարարություն Է արել՝ իրեն համեմատելով Հիտլերի հետ: Այդ մասին, ինչպես տեղեկացնում Է «Արմենպրես»-ը, հայտնել Է Reuters գործակալությունը:
Ելույթ ունենալով լրագրողների առջեւ, Դուտերտեն ասել Է, թե քննադատներից ոմանք իրեն ներկայացնում են որպես «Հիտլերի զարմիկ»: Նշելով, որ Հիտլերը միլիոնավոր հրեաների Է սպանել, նախագահն ասել Է. «Ֆիլիպիններում երեք միլիոն թմրամոլ կա: Ես երջանիկ կլինեի՝ սպանելով նրանց: Եթե Գերմանիան Հիտլեր ունի, Ֆիլիպիններն ունեն…»: Այս խոսքերն ասելուց հետո Դուտերտեն դադար Է առել եւ մատնանշել Է իրեն, գրում Է գործակալությունը:
Սա Ֆիլիպինների ղեկավարի՝ տարակարծությունների տեղիք տվող առաջին հայտարարությունը չԷ: Չինաստանում G20-ի գագաթնաժողովի նախօրեին նա «շանորդի» Էր անվանել ԱՄՆ-ի նախագահ Բարաք Օբամային, իսկ այնուհետեւ «գրողի ծոցն ուղարկել» Եվրամիությանը այն բանաձեւի ընդունումից հետո, որը դատապարտում Է թմրանյութերի առեւտրի դեմ պայքարի նրա մեթոդները, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում