ԵՐԵՎԱՆ, 29 ՍՊՏԵՄԲԵՐԻ, ԱՐՄԵՆՊՐԵՍ: Ֆուտբոլի Լեհաստանի ազգային հավաքականի գլխավոր մարզիչ Ադամ Նավալկան հրապարակել է կազմը, որը կսկսի պատրաստվել աշխարհի առաջնության ընտրական փուլի շրջանակում կայանալիք Դանիայի և Հայաստանի ընտրանիների դեմ առաջիկա հանդիպումներին:

Ինչպես հաղորդում է «Արմենպրես»-ը, վկայակոչելով Լեհաստանի ֆուտբոլի ֆեդերացիայի կայքը, Նավալկայի թիմում ընդգրկվել են հետևյալ ֆուտբոլիստները.

Դարպասապահներ՝ Արթուր Բորուց («Բորնմութ»), Լուկաշ Ֆաբիանսկի («Սուոնսի»), Վոյցեխ Շչեսնի («Ռոմա»), Լուկաշ Սկորուպսկի («Էմպոլի»):

Պաշտպաններ՝ Տիագո Չիոնեկ («Պալերմո»), Պավել Դավիդովիչ («Բենֆիկա»), Կամիլ Գլիկ («Մոնակո»), Արթուր Ենջեյչիկ («Կրասնոդար»), Իգոր Լևչուկ («Բորդո»), Միխալ Պազդան («Լեգիա»), Լուկաշ Պիշչեկ («Բորուսիա Դորտմունդ»), Մացեյ Ռիբուս («Լիոն»):

Կիսապաշտպաններ՝ Յակուբ Բլաշչիկովսկի («Վոլֆսբուրգ»), Կամիլ Գրոսիցկի («Ռեն»), Բարտոշ Կապուստկա («Լեսթեր»), Կարոլ Լինետի («Սամպդորիա»), Թոմաշ Յոդլովեց («Լեգիա»), Դամիան Դոնբրովսկի («Կրակովիա»), Կշիշտոֆ Մոնչինսկի («Վիսլա»), Գժեգոժ Կրիխովյակ (ՊՍԺ), Պավել Վշոլեկ (ՔՊՌ), Սլավոմիր Պեշկո («Լեխիա»), Պետր Զելինսկի («Նապոլի»):

Հարձակվողներ՝ Արկադիուշ Միլիկ («Նապոլի»), Ռոբերտ Լևանդովսկի («Բավարիա»), Լուկաշ Տեոդորչիկ («Անդերլեխտ»), Կամիլ Վիլչեկ («Բրոնդբյու»):

Լեհերը դանիացիների հետ կհանդիպեն հոկտեմբերի 8-ին, իսկ Հայաստանի ընտրանուն կընդունեն հոկտեմբերի 11-ին: