Նյու Ջերսիում գնացքի վթարի հետևանքով կա երեք զոհ
ԵՐԵՎԱՆ, 29 ՍԵՊՏԵՄԲԵՐԻ, ԱՐՄԵՆՊՐԵՍ: ԱՄՆ Նյու Ջերսի նահանգի Հոբոքեն քաղաքի մոտակայքում տեղի ունեցած գնացքի վթարի հետևանքով զոհերի թիվը հասել է երեքի: Ինչպես հաղորդում է «Արմենպրես»-ը, այս մասին տեղեկացնում է ամերիկյան CNBC հեռուստաընկերությունը:
ԱՄՆ Նյու Ջերսի նահանգում գնացքը դուրս է եկել գծերից և բախվել Հոբոքեն քաղաքի երկաթուղային կայարանի շենքին: Վթարի հետևանքով տարբեր աստիճանի մարմնական վնասվածքներ են ստացել շուրջ 100 հոգի, որոշ վագոններում քաղաքացիները փակված են մնացել և չեն կարողացել դուրս գալ:
Լուրջ վնասներ է կրել նաև կայարանի շենք, որի հենասյուներից մեկը քանդվել է, ինչի հետևանքով էլ փլուզվել է առաստաղի մի մասը:
Կայարանի աշխատանքները միանգամից դադարեցվել են, իսկ նրա տարածքում գտնվող քաղաքացիները տարհանվել: Դեպքը տեղի է ունեցել տեղական ժամանակով առավոտյան, երբ կայարանում բավականին մեծ թվով քաղաքացիներ կային:
Բաժանորդագրվեք մեր ալիքին Telegram-ում