Վրաստանում կամերային երաժշտության փառատոնին Հայաստանը կներկայացնի «Ալմա Սաքս կվարտետ»-ը
ԵՐԵՎԱՆ, 29 ՍԵՊՏԵՄԲԵՐԻ, ԱՐՄԵՆՊՐԵՍ: Վրաստանում սեպտեմբերի 30-ից կմեկնարկի Կամերային երաժշտության միջազգային փառատոն։ Այս տարի փառատոնում Հայաստանը կներկայացնի «Ալմա Սաքս կվարտետ»-ը (Alma Sax quartet), որտեղից «Արմենպրես»-ին տեղեկացրին, որ փառատոնն այս տարի կհյուրընկալի երաժիշտների աշխարհի տարբեր երկրներից, այդ թվում` Ավստրիայից, Բելիգիայից, Լիտվայից, Հայաստանից, Թուրքիայից: Սեպտեմբերի 30-ի և հոկտեմբերի 1-ի փառատոնային օրերին կհաջորդի գալա-համերգը` հոկտեմբերի 2-ին:
«Ալմա Սաքս կվարտետ»-ը հիմնադրվել է 1999 թվականին, վերակազմավորվել` 2010թ.-ին: Խումբը վերջերս է վերադարձել Լոնդոնից, որտեղ Բրիտանահայ համայնքային խորհրդի հրավերով մասնակցել է Անկախության 25-ամյակին նվիրված համերգին` հանդես գալով միջազգային և հայ դասական կոմպոզիտորների ստեղծագործություններով:
Բաժանորդագրվեք մեր ալիքին Telegram-ում