ԵՐԵՎԱՆ, 28 ՍԵՊՏԵՄԲԵՐԻ, ԱՐՄԵՆՊՐԵՍ: Հունաստանի եւ Իտալիայի տարածքում գտնվող ավելի քան 10 հազար փախստականներ Եվրամիության անդամ մյուս երկրներ են ուղարկվել՝ երկու տարվա ընթացքում երկու պետությունների տարածքից մինչեւ 40 հազար ապաստան խնդրողների տեղավորելու հանրակցության պարտավորությունների շրջանակներում: Այդ մասին, ինչպես տեղեկացնում Է «Արմենպրես»-ը, սեպտեմբերի 28-ին հայտնել Է ներքին գործերի, միգրացիայի եւ քաղաքացիության հարցերով եվրակոմիսար Դիմիտրոս Ավրամոպուլոսը:  

«10 հազարից ավելի մարդ Է վերաբնակեցվել ԵՄ-ի երկրներում վերաբնակեցման եվրոպական սխեմային համապատասխան»,- ասել Է նա լրագրողներին Բրյուսելում: 

Փախստականներին, մասնավորապես, տարաբնակեցրել են Ֆրանսիայում, Ֆինլանդիայում, Նիդեռլանդներում, Պորտուգալիայում, Գերմանիայում, Շվեդիայում եւ Իսպանիայում, ինչպես նաեւ ԵՄ-ի ծրագրին մասնակցող Շվեյցարիայում եւ Նորվեգիայում, հաղորդել Է ՌԻԱ Նովոստին: