ԶԼՄ-ները գաջեթների պատճառով հասարակության քայքայման մասին նախազգուշացրել են տակավին 1906 թվականին
16:47, 28 Սեպտեմբեր 2016
ԵՐԵՎԱՆ, 28 ՍԵՊՏԵՄԲԵՐԻ, ԱՐՄԵՆՊՐԵՍ: Quartz հրատարակությունն ուշադրություն Է հրավիրել բրիտանական Punch հանդեսի 1906 թվականի համարի նկարի վրա, որը հասարակության մեջ անհատների մեկուսացում Է կանխագուշակել անհաղորդալար գաջեթներից օգտվելու հնարավորության պատճառով, տեղեկացնում Է «Արմենպրես»-ը:
Նկարում կինը եւ տղամարդը նստած են մեջք-մեջքի՝ ձեռքներին բռնած սեփական անհաղորդալար հեռագրասարքերը: Դրա միջոցով հրապարակման հեղինակները կանխատեսում են արել հաջորդ՝ 1907 թվականի համար:
Նկարի տակ արված գրությունը հայտնում Է. «Անհաղորդալար հեռագրասարքի զարգացումը: Տեսարան Հայդ-պարկից: Այս երկու հոգին չեն շփվում միմյանց հետ: Տիկինը սիրային ուղերձ Է ստանում, իսկ տղամարդը՝ մրցարշավների արդյունքները»:
Բաժանորդագրվեք մեր ալիքին Telegram-ում