Հռոմի պապը Սիրիայի բոլոր կողմերին հորդորել է պաշտպանել Հալեպի բնակչությանը
ԵՐԵՎԱՆ, 28 ՍԵՊՏԵՄԲԵՐԻ, ԱՐՄԵՆՊՐԵՍ: Հռոմի Ֆրանցիսկոս պապը սեպտեմբերի 28-ին անհանգստություն Է հայտնել Սիրիայի Հալեպ քաղաքի իրադրության կապակցությամբ եւ հերթական անգամ հորդորել Է բոլոր ուժերին՝ պաշտպանել այս քաղաքի բնակչությանը, տեղեկացնում Է «Արմենպրես»-ը:
«Ես մտովի կրկին իմ սիրելի ու բզկտված Սիրիայի հետ եմ: Ես շարունակում են դրամատիկ նորություններ ստանալ Հալեպի բնակչության վիճակի վերաբերյալ, որի տառապանքները նաեւ իմն են»,-ասել Է քահանայապետը՝ հանդես գալով Վատիկանի Սուրբ Պետրոսի հրապարակում տեղի ունեցած ունկնդրության ժամանակ:
Ֆրանցիսկոսը «խորը ցավ եւ անհանգստություն» Է հայտնել սիրիական այս քաղաքում տեղի ունեցող իրադարձությունների կապակցությամբ, որտեղ «մեռնում են հիվանդ երեխաներ, երիտասարդներ ու տարեցներ»:
«Ես կրկին դիմում եմ բոլոր կողմերին՝ ամեն կերպ պաշտպանել քաղաքացիական բնակչությանը: Եվ ես դիմում եմ այն մարդկանց խղճին, ովքեր պատասխանատվություն են կրում ռմբակոծումների համար, եւ ովքեր պետք Է դրա համար պատասխան տան Աստծո առաջ»,-եզրափակել Է Հռոմի պապը, հաղորդել Է ՌԻԱ Նովոստի գործակալությունը:
Բաժանորդագրվեք մեր ալիքին Telegram-ում