ՌԴ-ն հրապարակել է Սիրիայի հարցով ԱՄՆ-ի հետ համաձայնեցված համաձայնագրի տեքստը
ԵՐԵՎԱՆ, 27 ՍԵՊՏԵՄԲԵՐԻ, ԱՐՄԵՆՊՐԵՍ: Ռուսասատանի արտաքին գործերի նախարարությունն իր կայքում հրապարկել է Սիրիայի հարցով համաձայնագրի տեքստը, որը համաձայնեցվել է ԱՄՆ-ի հետ, և պաշտոնական Վաշինգտոնը կոչ է արել հանությանը ներկայացնել երկկողմ պայմանավորվածությունների ողջ փաթեթը:
Ինչպես հաղորդում է «Արմենպրես»-ը, ՌԴ ԱԳՆ-ն ընդգծել է, որ Ռուսաստանը մշտապես առաջարկել է յուրաքանչյուր փաստաթուղթ ներկայացնել հանրությանը, սակայն ամերիկյան կողմը հետևողականորեն դեմ է հանդես եկել:
»Հատկապես ուշադրության է արժանի առողջ ընդդիմությանն «Ալ-Քաիդա»-ի միավորը հանդիսացող «Ջեբհաթ ան-Նուսրա»-ից առանձնացնելու իրենց կողմից ստանձնած պարտավորությունը հրապարակայնորեն վերահաստատելուց և Ռուսաստանի հետ համատեղ կրակը չդադարեցնող ահաբեկիչների և նրանց յուրաքանչյուր հանցակիցների ուղղությամբ հարվածներ հասցնելուց հրաժարվելու ցանկությունը»,- նշված է տեղեկատվության մեջ:
ՌԴ ԱԳՆ-ն հույս է հայտնել, որ ԱՄՆ-ն այնումենայնիվ կիրականացնի իր պարտավորությունները` տարանջատելու ընդդիմությանն ահաբեկիչներից:
Ընդգծվում է, որ բազմաթիվ գրոհայիններ, որոնց Վաշինգթոնն անվանում է «մահապարտներ», «պայքարում են «Ջեբհաթ ան-Նուսրայի հետ միասին և գործնականում միավորվել են նրան»: «Եվս մեկ անգամ կրկնում ենք, որ ահաբեկիչների հետ «խաղեր խաղալ»-ը և թողտվությունը նրանց երբեք բարիք չի բերի»,- ընդգծել է ՌԴ ԱԳՆ-ն:
Բաժանորդագրվեք մեր ալիքին Telegram-ում