Մարկ Ջեյկոբսն իր շանը նվիրված լուսանկարների գիրք Է թողարկել
ԵՐԵՎԱՆ, 27 ՍԵՊՏԵՄԲԵՐԻ, ԱՐՄԵՆՊՐԵՍ: Ամերիկացի դիզայներ Մարկ Ջեյկոբսը լուսանկարների գիրք Է թողարկել, որը նվիրել Է իր շանը՝ Նեւիլ անունով բուլտերիերին: Այդ մասին, ինչպես տեղեկացնում Է «Արմենպրես»-ը, հաղորդել Է Forbes հանդեսը:
Գրքում հավաքված են մի քանի հարյուր լուսանկարներ, որոնց թվում կան թոփ-մոդելների հետ ֆոտոսեսիաների կադրեր եւ մոդելագործի կենդանու լուսանկարները՝ Instagram-ից: Հրատարակությունն արդեն հայտնվել Է վաճառքում, գինը 22,5 դոլար Է:
Մարկ Ջեյկոբսն ամերիկացի դիզայներ Է: 1984 թվականին Ռոբերտ Դաֆի հետ միասին հիմնել Է սեփական նորաձեւության տունը եւ գրանցել Jacobs Duffy Designs ընկերությունը, այնուհետեւ վերանվանել Է Marc Jacobs International: Զուգահեռ աշխատել Է Perry Ellis-ում, որից հետո 1997-ից մինչեւ 2013 թվականները եղել Է Louis Vuitton տան կրեատիվ տնօրենը: Marc Jacobs բրենդի ներքո թողարկվում են կանանց եւ երեխաների հագուստ եւ կոշիկ, աքսեսուարներ եւ պարֆյումերիա:
Բաժանորդագրվեք մեր ալիքին Telegram-ում