Թայվանում «Մեգի» թայֆունը 50 հազար տուն Է հոսանքազրկել
ԵՐԵՎԱՆ, 27 ՍԵՊՏԵՄԲԵՐԻ, ԱՐՄԵՆՊՐԵՍ: Թայվանում «Մեգի» թայֆունը առնվազն 52 հազար տուն Է հոսանքազրկել: Այդ մասին, ինչպես տեղեկացնում Է «Արմենպրես»-ը, սեպտեմբերի 27-ին հայտնել Է Թայվանի Կենտրոնական լրատվական գործակալությունը (CNA):
Թայֆունն այս տարի դարձել Է թվով արդեն 17-րդը: Կղզու շատ քաղաքներում ու շրջաններում թայֆունի պատճառով փակ են դպրոցներն ու գրասնյակները:
Taiwan Power Company գործարկու ընկերության տվյալներով՝ ուժգին քամու եւ տեղատարափ անձրեւների պատճառով առանց Էլեկտրականության Էր մնացել ավելի քան 130 հազար տուն, սակայն ավելի ուշ հաջողվել Է վերականգնել Էլեկտրականության մատակարարումը դրանց մի մասին:
Ավելի վաղ Թայվանում փակվել են բազմաթիվ ավտոմայրուղիներ: Նաեւ լիովին կանգնեցվել Է արագընթաց գնացքների երթեւեկությունը: Թայվանի երկաթուղիների վարչակազմը հայտնել Է, որ սովորական գնացքների երեւեկությունը նույնպես կանգեցվել Է, բացառությամբ մի քանի երթուղիների:
Ինչպես արդեն տեղեկացվել Է, Թայվանի ազգային պաշտպանության նախարարությունը 35,5 հազար զինվոր Է մոբիլիզացրել կղզուն մոտեցող «Մեգի» («Նյանյույ») թայֆունի հնարավոր հետեւանքների վերացման համար: Գերատեսչությունն ստեղծել Է օպերատիվ շտաբ թայֆունի հնարավոր հետեւանքների դեպքում օգնություն ցույց տալու համար: Հնարավոր աշխատանքների համար նաեւ մոբիլիզացվել են գրեթե 4 հազար փոխադրամիջոց, նավակներ, 14 ուղղաթիռ, 14 AAV-7 դեսանտի լողացող մեքենա, ութ V-150 զրահապատ փոխադրամեքենա:
Բացի դրանից, գերատեսչությունն ամբողջ կղզում ստեղծել Է 92 զինվորական ճամբար, որոնք կարող են ծառայել որպես ապաստարաններ, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում