ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: Վրաստանի ակումբային առաջնությանը մասնակցում է Հայաստանի երեք ներկայացուցիչ` միջազգային վարպետներ Վահե Բաղդասարյանն ու Տիգրան Հարությունյանը և Սուսաննա Գաբոյանը: Բաղդասարյանը գլխավորում է «Սամեգրելո» ակումբը, այս թիմի կազմում հանդես է գալիս նաև Սուսաննա Գաբոյանը, իսկ Տիգրան Հարությունյանը ներկայացնում է «Նոնա» ակումբը:

Ինչպես «Արմենպրես»-ին տեղեկացավ  Հայաստանի շախմատի ֆեդերացիայի պաշտոնական կայքից, կայացել են Վրաստանի ակումբային առաջնության առաջին չորս տուրերի հանդիպումները։ Հաջող է հանդես գալիս «Նոնա» ակումբը ներկայացնող Տիգրան Հարությունյանը, ով 4 հնարավորից վաստակել է 4 միավոր: Վահե Բաղդասարյանը 4 հնարավորից վաստակել է 0,5 միավոր, իսկ Սուսաննա Գաբոյանը` 1,5 միավոր:
Խաղացված տուրերից հետո մրցաշարային աղյուսակը գլխավորում են «Ռուսթավի» և «Նոնա» ակումբները, որոնք իրենց բոլոր հանդիպումներն ավարտել են հաղթանակով, իսկ «Սամեգրելո» ակումբը, որի կազմում հանդես են գալիս Բաղդասարյանն ու Գաբոյանը, ընթանում է 5-րդ հորիզոնականում: