Կանադայում Հայոց ցեղասպանության զոհերի հիշատակին նվիրված «Հույսի անտառ» է բացվել
20:37, 26 Սեպտեմբեր 2016
ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: Կանադայի Մարքհեմ քաղաքում, ի հիշատակ Հայոց ցեղասպանության զոհերի, բացվել է «Հույսի անտառ»:
Ինչպես հաղորդում է «Արմենպրես»-ը` վկայակոչելով Armenian Weekly-ն, բացման արարողությանը ներկա շուրջ 600 հյուրերի թվում էին Մարքհեմի քաղաքապետ Ֆրենկ Սկարպիտին, Կանադայում Հայաստանի դեսպան Արմեն Եգանյանը, Կանադայի խորհրդարանի պատգամավորներ, տեղի հայ համայնքի ներկայացուցիչներ և այլք:
Նշելով, որ սփյուռքի հայ համայնքները հիմնականում ձևավորվել են Հայոց ցեղասպանության հետևանքով` քաղաքապետ Սկարպիտին շեշտել է, որ այդ համայնքներն իրենց մեջ գտել են կամք զարգացնելու համայնքային կյանքը:
«Հույսի անտառում» տնկվել են տարբեր տեսակի 100 ծառեր: Անտառը նախագծել է հայազգի լանդշաֆտային դիզայներ Հայկ Սեֆերյանը:
Բաժանորդագրվեք մեր ալիքին Telegram-ում