ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: Դեմոկրատական կուսակցությունից ԱՄՆ-ի նախագահի թեկնածու Հիլարի Քլինթոնը հանրապետական իր մրցակցի՝ Դոնալդ Թրամփի նկատմամբ ճնշող առավելություն ունի Էթնիկ փոքրամասնությունների ներկայացուցիչների շրջանում: Այդ մասին, ինչպես տեղեկացնում Է «Արմենպրես»-ը, վկայում են Morning Consult ընկերության կողմից անցկացված համազգային հարցման արդյունքները:  

Նախկին պետքարտուղարի օգտին մտադիր Է քվեարկել լատինամերիկյան ծագում ունեցող ամերիկացիների 54 տոկոսը եւ աֆրոամերիկացիների 75 տոկոսը: Թրամփի օգտին պատրաստ Է իր ձայնը տալ իսպանախոս ընտրողների 20 տոկոսը եւ սեւամորթների միայն 7 տոկոսը:

Դրա հետ մեկտեղ Թրամփը վստահորեն առջեւից Է ընթանում ԱՄՆ-ի սպիտակամորթ բնակչության շրջանում, որի ներկայացուցիչների 44 տոկոսը հայտարարել Է, որ մտադիր Է իր ձայնը տալ միլիարդատեր թեկնածուին՝ Քլինթոնի կողմնակիցների 33 տոկոսի համեմատությամբ:

Բոլոր ընտրողների հաշվառմամբ, սեպտեմբերի 22-ից 24-ն անցկացված հարցման համաձայն, Թրամփը Քլինթոնին գերազանցում Է ընդամենը 1 տոկոսով՝ 39 տոկոս՝ 38 տոկոսի դիմաց, հաղորդել Է ՌԻԱ Նովոստին: