ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: Թայվանի ազգային պաշտպանության նախարարությունը 35,5 հազար զինվոր Է մոբիլիզացրել կղզուն մոտեցող «Մեգի» («Նյանյույ») թայֆունի հնարավոր հետեւանքների վերացման համար: Ինչպես տեղեկացնում Է «Արմենպրես»-ը, այդ մասին սեպտեմբերի 26-ին հայտնել Է Թայվանի Կենտրոնական լրատվական գործակալությունը (CNA):

Մոտեցող թայֆունը կդառնա այս տարի թվով արդեն 17-րդը, որը կմոլեգնի կղզում: Թայվանի օդեւեւութաբանական բյուրոյի տվյալներով՝ թայֆունը կղզում կմոլեգնի սեպտեմբերի 27-ին: Այժմ այն գտնվում Է Հուալյանի գավառից 530 կիլոմետր հարավ - արեւելք ընկած շրջանում:

Գործակաության տվյալներով՝ գերատեսչությունն ստեղծել Է օպերատիվ շտաբ թայֆունի հնարավոր հետեւանքների դեպքում օգնություն ցույց տալու համար: Հնարավոր աշխատանքների համար նաեւ մոբիլիզացվել են գրեթե 4 հազար փոխադրամիջոց, նավակներ, 14 ուղղաթիռ, 14 AAV-7 դեսանտի լողացող մեքենա, ութ V-150 զրահապատ փոխադրամեքենա:  

Բացի դրանից, գերատեսչությունն ամբողջ կղզում ստեղծել Է 92 զինվորական ճամբար, որոնք կարող են ծառայել որպես ապաստարաններ՝ թայֆունից առաջ կամ հետո տարահանման դեպքում, հաղորդել Է ՌԻԱ Նովոստին:

Լուսանկարը` AP