Ադրբեջանի պետական բյուջեի նավթային եկամուտները կշարունակեն պակասել
14:20, 26 Սեպտեմբեր 2016
ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: Ադրբեջանի պետական նավթային հիմնադրամի (ARDNF) կողմից երկրի պետական բյուջեին կատարվող փոխանցումները կշարունակեն նվազել: Այս մասին ինչպես հաղորդում է «Արմենպրես»-ը, հայտնում է ադրբեջանական marja.az լրատվականը:
Report-ի փոխանցմամբ` Ադրբեջանի ֆինանսների նախարար Սամիր Շարիֆովը հայտնել է, որ 2017 թվականին նավթային ֆոնդից երկրի բյուջե փոխանցվող գումարը կպակասի 1.5 մլրդ մանաթով:
2016 թվականին Նավթային ֆոնդից երկրի պետական բյուջե փոխանցվել է 7 մլրդ 615 հազար մանաթ:
Ադրբեջանի վիճակագրության պետական կոմիտեի հաղորդմամբ` 2016 թվականի 8 ամիսների ցուցանիշների համաձայն` Ադրբեջանի տնտեսության մեջ մեծ հետընթաց է գրանցվել. երկրի ընդհանուր տնտեսական եկամուտները 12 մլրդ դոլարով նվազել են:
Բաժանորդագրվեք մեր ալիքին Telegram-ում