Արծվիկ Մինասյանն ամենայն հավանականությամբ կնշանակվի Բնապահպանության նախարար. Աղվան Վարդանյան
ԵՐԵՎԱՆ, 26 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ էկոնոմիկայի նախարարի պաշտոնակատար Արծվիկ Մինասյանն առաջիկայում ամենայն հավանականությամբ կզբաղեցնի Բնապահպանության նախարարի պաշտոնը: «Արմենպրես»-ի հաղորդմամբ՝ այս մասին լրագրողների հետ զրույցում հայտարարեց ԱԺ ՀՅԴ խմբակցության քարտուղար Աղվան Վարդանյանը:
«Մենք երկար, տեւական հանդիպում ենք ունեցել վարչապետի հետ, քննարկել ենք առկա հնարավոր բոլոր հարցերը, նրա համար կարեւոր են տնտեսական բլոկի բարեփոխումները: Վարչապետը նոր նախարարությունում պատկերացնում է ավելի բիզնես մտածողություն ունեցող անձի»,-ասաց Աղվան Վարդանյանը՝ դրական գնահատելով Արծվիկ Մինասյանի կարողությունները Բնապահպանության նախարարության գործառույթներն իրականացնելու հարցում:
Նա նշեց, որ դաշնակցականների համար կարեւոր է ոչ թե նախարարների հստակ թվաքանակ ունենալը, այլ առաջադրված խնդիրների լուծումը:
Բաժանորդագրվեք մեր ալիքին Telegram-ում