ԵՐԵՎԱՆ, 7 ՍԵՊՏԵՄԲԵՐԻ, ԱՐՄԵՆՊՐԵՍ: 2017 թվականից Եվրասիական տնտեսական միության երկրներում արտադրված ապրանքների վրա կարող Է հայտնվել «Պատրաստված Է ԵԱՏՄ-ում» մակնշումը: Այդ մասին, ինչպես տեղեկացնում Է «Արմենպրես»-ը, հայտնել Է «Ռոսիյսկայա գազետա»-ն՝ վկայակոչելով Եվրասիական տնտեսական հանձնաժողովի արդյունաբերական քաղաքականության դեպարտամենտի տնօրեն Նիկոլայ Կուշնյարյովին:

«Նրա խոսքով՝ «Պատրաստված Է Ռուսաստանում», «Պատրաստված Է Բելառուսում» կամ ԵԱՏՄ-ի ցանկացած այլ երկրում մակնշումից «Պատրաստված Է Եվրասիական տնտեսական միությունում» մակնշմանն անցումը ինտեգրացիոն համագործակցության կարեւոր փուլ Է: Նոր մակնշումը կարող Է մեկնարկել 2017 թվականին»,-ասված Է հրատարակության՝ սեպտեմբերի 7-ին հրապարակված համարում:

Ինչպես նշվում Է «Ռոսիյսկայա գազետա»-ում, ԵԱՏՄ-ն արդեն ձեռնամուխ Է եղել «եվրասիական ապրանքի» չափանիշների որոշմանը:

Կուշնյարյովը հրատարակությանը պարզաբանել Է, որ «եվրասիական ապրանք» հասկացության ներմուծումը, մի կողմից՝ կդյուրացնի աջակցությունը ԵԱՏՄ-ի արդյունաբերությանը, մյուս կողմից՝ կդառնա ընդհանուր շուկայում արդյունաբերական ապրանքների առաջմղման հզոր գործիք, եւ, երրորդ՝ կխթանի «Պատրաստված Է ԵԱՏՄ-ում» մակնշմամբ արտադրանքի պահանջարկը, հաղորդել Է ՌԻԱ Նովոստին: