Ժամանակը Երևանում՝ 11:07:36,   21 Հունիս

ԿԽՄԿ-ն Հայաստանում առաջին անգամ ռազմադաշտային վիրաբուժության թեմայով սեմինար կանցկացնի

ԿԽՄԿ-ն Հայաստանում առաջին անգամ ռազմադաշտային վիրաբուժության թեմայով սեմինար կանցկացնի

ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Երևանում մեկնարկում  է եռօրյա դասընթաց՝ նվիրված ռազմադաշտային վիրաբուժության թեմային, որը կազմակերպել է Կարմիր խաչի միջազգային կոմիտեն` ՀՀ առողջապահության նախարարության և ՀՀ զինված ուժերի գլխավոր շտաբի հետ համատեղ։  Ինչպես «Արմենպրես»-ին տեղեկացրին ԿԽՄԿ հայաստանյան գրասենյակից, դասընթացը  կանցկացվի 2016թ․սեպտեմբերի 2-4-ը:

 Դասընթացին մասնակցում են քաղաքացիական և ռազմական ոլորտի շուրջ 85 վիրաբուժներ և վնասվածքաբաններ Հայաստանից և Լեռնային Ղարաբաղից։ Փորձի փոխանակման և մասնագիտական քննարկումների միջոցով մասնակիցները ձեռք կբերեն լրացուցիչ գիտելիքներ հրազենային վերքերի և վնասվածքների բուժման, ռազմադաշտային վիրաբուժությունում անզգայացման, վարակների դեմ և արտակարգ իրավիճակներում հիվանդների մեծաքանակ հոսքի կառավարման և այլ խնդիրների մասին։

Դասընթացը կվարեն ԿԽՄԿ-իփորձառու վիրաբույժներ և դասախոսներ Մարտին Հերմանը (Գերմանիա) և Մարկո Պինա Պինտորը (Իտալիա), որոնք երկար տարիներ աշխատել են տարբեր երկրներում գործող ԿԽՄԿ հիվանդանոցներում, ինչպես նաև վարել են բազմաթիվ նման դասընթացներ տեղական մասնագետների համար։

Ռազմադաշտային վիրաբուժության դասընթացը Հայաստանում անցկացվում է առաջին անգամ։ Ավարտին մասնակիցներին կտրվեն հավաստագրեր, ինչպես նաև ՀՀ առողջապահության նախարարության կողմից կշնորհվեն ՇՄԶ (շարունակական մասնագիտական զարգացում) կրեդիտներ։

 

 








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ