Ռուսական ռազմակայանի հետախույզները ձեռնամարտի վարժանքներ են անցկացնում Հայաստանի լեռներում
ԵՐԵՎԱՆ, 31 ՕԳՈՍՏՈՍԻ, ԱՐՄԵՆՊՐԵՍ: Հայաստանում տեղակայված ռուսական ռազմակայանում հետախուզական ստորաբաժանումների զինծառայողների դաշտային հատուկ վարժանքներ են սկսվել «Կամխուտ» բարձրլեռնային զորավարժարանում:
Ինչպես «Արմենպրես»-ին տեղեկացրել են ՌԴ Հարավային ռազմական օկրուգի մամուլի ծառայությունից, երեք օրվա ընթացքում ձեռնամարտի հրահանգիչները հարյուրից ավելի հետախույզների կսովորեցնեն դիմագրավել պայմանական հակառակորդի գրոհները ձեռնամարտում եւ դանակներով գոտեմարտում:
Ուսուցման ընթացքում զինծառայողները կսովորեն կատարել ձեռնամարտի հնարքներ, ներառյալ մարտական ակրոբատիկան, բռնցքամարտի տեխնիկան եւ դանակամարտը:
Հատուկ ջոկատայիններն ու հետախույզները զույգերով եւ խրտվիլակով կփորձարկեն զինված պայմանական հակառակորդի գրոհի դիմագրավումը եւ անզեն ինքնապաշտպանության հնարքները: Բոլոր վարժությունները պարտադիր են կիրառման համար, քանի որ դրանք հաջողությամբ կատարողներին շնորհվում են մարզական կոչումներ ու կարգեր:
Բաժանորդագրվեք մեր ալիքին Telegram-ում