Հայաստանն Իրան կարտահանձնի ութ դատապարտյալի
16:05, 31 Օգոստոս 2016
ԵՐԵՎԱՆ, 31 ՕԳՈՍՏՈՍԻ, ԱՐՄԵՆՊՐԵՍ: Իրանի փոխարտգործնախարար Հասան Քաշքավին հայտնել է իրանցի ութ դատապարտյալների Հայաստանից Իրան արտահանձնելու մասին: Ինչպես հաղորդում է «Արմենպրես»-ը, այս մասին տեղեկացնում է իրանական Mehr գործակալությունը:
Քաշքավին տեղեկացրել է, որ դատապարտյալները կժամանեն Իրան առաջիկա 24 ժամվա ընթացքում:
Ավելի վաղ` մարտին, իրանցի վեց դատապարտյալներ ևս Հայաստանի բանտերից արտահանձնվել էին Իրանին:
Հայաստանից 2015 թվականի մարտի 21-ից արտահանձնվել է իրանցի 27 դատապարտյալ: Նրանց մեծ մասը մեղադրվում է Հայաստան կատարած այցի ժամանակ ապօրինի դեղամիջոցներ փոխադրելու մեջ: Ներկայում Հայաստանում բանտարկված են Իրանի 32 քաղաքացի:
Բաժանորդագրվեք մեր ալիքին Telegram-ում