Սելենա Գոմեսը կընդհատի կարիերան գայլախտի պատճառով
ԵՐԵՎԱՆ, 31 ՕԳՈՍՏՈՍԻ, ԱՐՄԵՆՊՐԵՍ: Ամերիկացի փոփ-երգչուհի եւ դերասանուհի Սելենա Գոմեսը որոշել Է դադար տալ կարիերայում գայլախտի հարուցած բարդությունների՝ դեպրեսիաների եւ խուճապային գրոհների պատճառով: Գոմեսը չի ճշտել, թե հատկապես երբ ինքը կավարտի հյուրախաղերը, բայց Եվրոպայում եւ Հարավային Ամերիկայում նրա շրջագայությունը կտեւի մինչեւ տարեվերջ, հաղորդում Է «Արմենպրես»-ը՝ հղում անելով The Guardian-ին:
«Ես ցանկանում եմ կենտրոնանալ իմ առողջության եւ երջանկության վրա եւ որոշել եմ, որ ավելի լավ Է որոշ ժամանակով դադար տամ: Ինձ անհրաժեշտ Է հաղթահարել դա, եւ ես պետք Է իմանամ, որ հնարավոր ամեն բան անում եմ»,- պարզաբանել Է 24-ամյա արտիստուհին:
Զանգվածային լրատվամիջոցներն առաջին անգամ Գոմեսի հիվանդության մասին իմացել են 2013 թվականին, բայց նա լուրերը հաստատել Է սոսկ երկու տարի անց: Երգչուհին խոստովանել Է, որ քիմիաբուժության մի քանի կուրս Է անցել, ինչը խիստ ազդել Է իր ինքնազգացողության եւ ընդհանուր վիճակի վրա:
Սիստեմային կարմիր գայլախտն աուտոիմունային հիվանդություն Է, որի դեպքում իմունային համակարգի կողմից արտադրվող հակամարմինները վնասում են առողջ բջիջները: Վնասվում Է առավելապես շարակցական հյուսվածքը: Հիվանդների մոտ հաճախ հայտնվում Է ցան դեմքին, նրանք գանգատվում են ջերմության բարձրացումից, թուլությունից, գլխի եւ մկանային ցավերից:
Բաժանորդագրվեք մեր ալիքին Telegram-ում