ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ: Իտալիայի շենքերի ու շինությունների գրեթե կեսը, որոնցում 21,5 մլն մարդ Է ապրում, գտնվում Է «շատ բարձր կամ բավականին բարձր» (1-ին եւ 2-րդ գոտիներ) սեյսմիկ ռիսկի շրջաններում:

Այդ մասին, ինչպես տեղեկացնում Է «Արմենպրես»-ը, օգոստոսի 30-ին գրում Է La Stampa թերթը:

Հրատարակությունը վկայակոչում Է Ինժեներների ազգային խորհրդի զեկույցը, որը հրապարակվել Է լույս օգոստոսի 24-ի գիշերը Իտալիայի կենտրոնական մասում տեղի ունեցած ավերիչ երկրաշարժից մի քանի շաբաթ առաջ:

Վերջին տվյալների համաձայն, տարերքի զոհ Է դարձել 292 մարդ, շուրջ 400-ը տուժել են, եւ գրեթե 3 հազար բնակիչներ անօթեւան են մնացել:  Փաստաթղթում, մասնավորապես, նշվում Է, որ բարձր ռիսկի գոտիներում շենքերի անվտանգությունն ապահովելու համար պահանջվում Է շուրջ 36 մլրդ եվրո, եւ դրա համար կարող Է պահանջվել մի քանի տասնամյակ, բայց այդ ժամանակաշրջանում Ապենիններում կարող են տեղի ունենալ այլ ուժեղ երկրաշարժեր, հաղորդել Է ՌԻԱ Նովոստին: