Մառնեուլի շրջանում հարսանիքում թունավորվածների թիվը հասել Է 200-ի
ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ: Թունավորման ախտանիշներով եւս 50 մարդ են հոսպիտալացրել Վրաստանի Մառնեուլի շրջանում տեղի ունեցած հարսանիքից հետո: Այդ մասին, ինչպես տեղեկացնում Է «Արմենպրես»-ը, օգոստոսի 30-ին հայտնել են տեղական ԶԼՄ-ները:
Ավելի վաղ նշվում Էր հիվանդանոցներ 150 տեղափոխվածների մասին:
Ըստ ԶԼՄ-ների տվյալների՝ հոսպիտալացվածներից 28-ը երեխաներ են, որոնցից 21-ը մինչ այժմ գտնվում են հիվանդանոցում:
Մարդկանց մի մասին տեղավորել են Մառնեուլի, Ռուսթավի, Բոլնիսի եւ Թբիլիսիի հիվանդանոցներում, մնացածներին տուն են ուղարկել առաջին օգնությունը ցուցաբերելուց հետո: Հիվանդանոցում գտնվողների վիճակը բժիշկները գնահատում են՝ կայուն:
Ավելի վաղ տեղեկացվել Էր, որ շուրջ 150 մարդ անցած գիշեր Մառնեուլի եւ Ռուսթավի հիվանդանոցներ են տեղափոխվել «սուր աղիքային թունավորում» ախտորոշմամբ:
Քվեմո Քարթլիի տարածաշրջանի վարչակազմի տեղեկատվությամբ՝ մարդկանց թունավորումը տեղի Է ունեցել Սադախլո գյուղում հարսանիքի ժամանակ: Ենթադրվում Է, որ դրա պատճառը եղել են ժամկետանց մթերքները: Այդ փաստով ՆԳ նախարարությունը հետաքննություն Է սկսել:
Բաժանորդագրվեք մեր ալիքին Telegram-ում