1000х90.jpg (78 KB)

Երևանում՝ 11:07,   29 Մարտ 2024

Ուզբեկստանի նախագահի մահվան մասին հակասական լուրեր են տարածվում. պաշտոնական հաստատում չկա

Ուզբեկստանի նախագահի մահվան մասին հակասական լուրեր են տարածվում. պաշտոնական 
հաստատում չկա

ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ: Զանգվածային լրատվական միջոցները հայտնում են Ուզբեկստանի նախագահ Իսլամ Քարիմովի մահվան մասին: «Արմենպրես»-ի փոխանցմամբ` դեռևս պաշտոնական հաստատում այս մասին չկա: Ուզբեկական «Ֆերգանա» լրատվական գործակալության հաղորդմամբ` Քարիմովը մահացել է Տաշքենդում 79 տարեկանում` ուղեղի արյունահոսությունից: Հղում անելով սեփական աղբյուրներին` «Ֆերգանա»-ն գրում է, որ մահը վրա է հասել օգոստոսի 29-ին տեղի ժամանակով 15:00-16:00-ի սահմաններում:

Ռուսաստանի Դաշնության նախագահի մամուլի խոսնակ Դմիտրի Պեսկովը ТАСС-ին ասել է, որ իրենք այդ տեղեկատվության որևէ հաստատում չունեն:

Ren.tv-ի փոխանցմամբ` օգոստոսի 26-ին Քարիմովը վատ է զգացել հանդիսավոր արարողության ժամանակ: Նա կորցրել է գիտակցությունն ու ընկել գետնին, որից հետո նրան հոսպիտալացրել են: Ավելի ուշ նրա դուստրը հայտնել է, որ հայրը ուղեղի արյունահոսություն է տարել:

Ուզբեկստանի երկարամյա առաջնորդի մահվան մասին լուրերը դեռևս պաշտոնապես չեն հաստատվել:

Իսլամ Քարիմովը ստանձնել է Ուզբեկստանի նախագահի պաշտոնը 1991 թվականին: 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]