ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ: Գիշերը Վրաստանի Մառնեուլի եւ Ռուսթավի հիվանդանոցներ Է տեղափոխվել շուրջ 150 մարդ, այդ թվում՝ երեխաներ՝ «աղիքային սուր թունավորում» ախտորոշմամբ, տեղեկացնում Է «Արմենպրես»-ը:

Քվեմո Քարթլիի տարածաշրջանի վարչակազմի տեղեկատվությամբ՝ մարդկանց թունավորումը տեղի Է ունեցել Սադախլո գյուղում անցկացված հարսանիքի ժամանակ, ենթադրաբար, ժամկետանց մթերքներից: ՆԳ նախարարությունը  հետաքննությունն Է սկսել սույն փաստով:

Ներկայում հիվանդանոցներում Է գտնվում ավելի քան 40 մարդ, նրանց վիճակը կայուն Է: Մնացածները տուն են ուղարկվել բժշկական օգնություն ստանալուց հետո:

Օգոստոսի լույս 30-ի գիշերը Մառնեուլի շրջանային հիվանդանոց Է այցելել Վրաստանի վարչապետ Գեորգի Կվիրիկաշվիլին, որը զրուցել Է բժիշկների եւ տուժածների հետ, հաղորդել Է «Ինտերֆաքս»-ը: