«Արարատ»-ը խզել է պայմանագիրը Սերգեյ Ավագիմյանի հետ
19:48, 29 Օգոստոս 2016
ԵՐԵՎԱՆ, 29 ՕԳՈՍՏՈՍԻ, ԱՐՄԵՆՊՐԵՍ: Երևանի «Արարատ»-ը երկկողմ համաձայնությամբ խզել է պայմանագիրը պաշտպան Սերգեյ Ավագիմյանի հետ: Այդ մասին «Արմենպրես»-ին տեղեկացրին երևանյան ակումբի մամուլի ծառայությունից:
27-ամյա ֆուտբոլիստն ավելի վաղ հայտարարել էր «Արարատ»-ի գլխավոր մարզիչ Արկադի Անդրեսյանի հետ լարված հարաբերությունների մասին և նշել, որ վերջինս իրեն թույլ չի տալիս մասնակցել մարզումներին և սպառնացել է նրա հետ ֆիզիկական հաշվեհարդար տեսնել:
Ավագիմյանը, ով նաև Հայաստանի ազգային հավաքականի թեկնածու է, «Արարատ»-ի կազմը համալրել էր հունվարին` Իրկուտսկի «Բայկալ»-ից:
Բաժանորդագրվեք մեր ալիքին Telegram-ում