Պեկինում Էլեկտրամոբիլ ձեռք բերել ցանկացողների թիվը գերազանցել Է 60 հազարը
ԵՐԵՎԱՆ, 29 ՕԳՈՍՏՈՍԻ, ԱՐՄԵՆՊՐԵՍ: Չինաստանի մայրաքաղաքի այն բնակիչների թիվը, որոնք ցանկանում են համարանիշ ստանալ նոր Էլեկտրամոբիլի համար, գերազանցել Է 60 հազարը:
Այդ մասին, ինչպես տեղեկացնում Է «Արմենպրես»-ը, հայտնել Է Չինաստանի միջազգային ռադիոն: 2016 թվականին Պեկինի քաղաքապետարանը նոր ավտոմեքենաների գրանցման բաժնաչափը սահմանել Էր 150 հազար մեքենայի չափով, որոնցից 60 հազարը Էլեկտրամոբիլներ են:
Փորձագետները նշում են, որ Էլեկտրաքառերը Չինաստանում սկսել են մեծ ժողովրդականություն վայելել մեքենաների լիցքավորման կայանների ցանցի զարգացման, լիցքավորման համար դրանց համեմատաբար ցածր ծախսերի, ինչպես նաեւ համարանիշի ստացման արագ ընթացակարգի շնորհիվ:
2015 թվականի արդյունքներով՝ երկրում Էլեկտրամոբիլների վաճառքների ծավալը կազմել Է 370 հազար միավոր, իսկ Էլեկտրաքառերի թվաքանակով Չինաստանն աշխարհում գրավել Է առաջին տեղը:
Անցյալ տարի երկրում կար 497 հազար Էլեկտրամոբիլ, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում