Քաղաքացիները կամավոր զենք-զինամթերք են հանձնել
16:03, 27 Օգոստոս 2016
ԵՐԵՎԱՆ, 27 ՕԳՈՍՏՈՍԻ, ԱՐՄԵՆՊՐԵՍ: ՀՀ ոստիկանության Նոր Հաճնի բաժանմունքի ծառայողների բացատրական աշխատանքների շնորհիվ՝ 1981 թ. ծնված Սևակ Ս.-ն կամավոր հանձնել է «Ֆ-1» տիպի նռնակ` առանց պայթուցիչի, «Տրատիլովայա շաշկա 400գ» գրառմամբ պայթուցիկ և տարբեր մմ տրամաչափի 160 փամփուշտ: Այս մասին «Արմենպրես»-ին տեղեկացրին ՀՀ ոստիկանության հասարակայնության հետ կապերի և լրատվության վարչությունից:
Ոստիկանության Արտաշատի բաժնի ծառայողների բացատրական աշխատանքների շնորհիվ էլ՝ 1990 թ. ծնված Արսեն Է.-ն կամավոր հանձնել է կարճեցված խզակոթով, 16 մմ տրամաչափի, մեկփողանի, ողորկափող որսորդական հրացան, «ԱԿՄ» տիպի ինքնաձիգի 7,62 մմ տրամաչափի՝ 30, 7.62 մմ տրամաչափի, «Կարաբին» տիպի հրացանի 1 փամփուշտ:
Բաժանորդագրվեք մեր ալիքին Telegram-ում