ԵՐԵՎԱՆ, 26 ՕԳՈՍՏՈՍԻ, ԱՐՄԵՆՊՐԵՍ: 9 շաբաթ մարման ժամկետով պետական (գանձապետական) կարճաժամկետ թողարկման պարտատոմսերի տեղաբաշխման աճուրդը տեղի է ունեցել օգոստոսի 26-ին:

Ինչպես «Արմենպրես»-ը տեղեկացավ ՀՀ ֆինանսների նախարարության կայքից, տեղաբաշխման ենթակա պարտատոմսերի ծավալը 3 միլիարդ դրամ է, իսկ պահանջարկը՝ 5 միլիարդ 100 միլիոն դրամ, որից մրցակցային` 4 միլիարդ 700 միլիոն դրամ, իսկ ոչ մրցակցային՝ 400 միլիոն: Պարտատոմսերի տեղաբաշխման ծավալը կազմել է 3 միլիարդ դրամ: Տեղաբաշխումից ստացված հասույթը կազմել է 2 միլիարդ 961 միլիոն 411 հազար 504 դրամ: Տեղաբաշխման միջին կշռված եկամտաբերությունը 7.44 տոկոս է, տեղաբաշխման սահմանային եկամտաբերությունը` 7.48 տոկոս: Աճուրդին մասնակցել են 4 գործակալ: