Փրկարարներն անվտանգ տարածք են տեղափոխել Արթիկում, Գյումրիում և Երևանում նկատված օձերին
ԵՐԵՎԱՆ, 25 ՕԳՈՍՏՈՍԻ, ԱՐՄԵՆՊՐԵՍ: ՀՀ արտակարգ իրավիճակների նախարարությունն օգոստոսի 25-ին, ժամը 17.53-ին տեղեկություն է ստացել, որ Շիրակի մարզի Արթիկ քաղաքի Բաղրամյան փողոցի տներից մեկի ավտոտնակում նկատվել է օձ, որին բռնելու համար անհրաժեշտ է փրկարարների օգնությունը:
Դեպքի վայր է մեկնել հրշեջ-փրկարարական ջոկատի օպերատիվ խումբը:
«Արմենպրես»-ին տեղեկացրին ՀՀ արտակարգ իրավիճակների նախարարության պաշտոնական կայքից, փրկարարները կարի արտադրամասի տարածքից բռնել են լորտու տեսակի օձ և տեղափոխել անվտանգ տարածք:
Նույն օրը ժամը 15.56-ին տեղեկություն է ստացվել, որ Շիրակի մարզի Գյումրի քաղաքի Խրիմյան Հայրիկ փողոցի 1-ին թաղամասի տներից մեկի բակում օձ է նկատվել, որին բռնելու համար անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Փրկարարները հայտնաբերել են լորտու տեսակի սողուն և տեղափոխել անվտանգ տարածք:
Օգոստոսի 25-ին, ժամը 13.36-ին ահազանգ է ստացվել, որ Երևանի Այգեստան 11-րդ փողոցի տներից մեկի խոհանոցում նկատվել է օձ, որին բռնելու համար անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Փրկարարները բռնել են օձին և տեղափոխել անվտանգ տարածք:
Բաժանորդագրվեք մեր ալիքին Telegram-ում