ԵՐԵՎԱՆ, 25 ՕԳՈՍՏՈՍԻ, ԱՐՄԵՆՊՐԵՍ: 2016 թվականին տուրիստական ակտիվության նվազման պատճառով Եգիպտոսում 220 հյուրանոցներ են փակվել: Ինչպես տեղեկացնում Է «Արմենպրես»-ը, օգոստոսի 25-ին այս մասին հաղորդվում Է Ռուսաստանի տուրգործարկուների ասոցիացիայի կայքում:

Ամենամեծ կորուստները կրել Է Շարմ Էլ Շեյխը, որտեղ աշխատանքը դադարեցրել են 54 հյուրանոցներ, եւս 35-ը փակվել են Մարսա Ալամում, 34-ը՝ Հուրգադում: Նշվում Է, որ այս պահին Կարմիր ծովի ոչ մի առողջարանում լրիվ կարողությամբ աշխատող հյուրանոցներ չեն մնացել:  

Բացի դրանից, Եգիպտոսի գործարարների ասոցիացիայի տեղեկատվությամբ՝ մի շարք հյուրանոցներ դադարել են աշխատել Սաֆագայում, Լուքսորում եւ Ասուանում: Նշվում Է, որ զբոսաշրջիկների հոսքի ամենամեծ կրճատումը բաժին Է ընկել Ռուսաստանին, Մեծ Բրիտանիային եւ Իտալիային: 

Արաբական Հանրապետություն ուղիղ չվերթերը դադարեցվել են 2015 թվականի աշնանը՝ «Կոգալիմավիա» ավիաընկերության Airbus A321 ինքնաթիռում իրականացված ահաբեկչական գործողությունից հետո: Աղետից հետո Մոսկվան պահանջել Է Եգիպտոսի օդանավակայաններում ուժեղացնել անվտանգության միջոցառումները: