Տեսագրություն Է հայտնվել երկրաշարժից ավերված իտալական Ամատրիչե քաղաքից
16:04, 24 Օգոստոս 2016
ԵՐԵՎԱՆ, 24 ՕԳՈՍՏՈՍԻ, ԱՐՄԵՆՊՐԵՍ: «360» հեռուստաալիքը հրապարակել Է 6 մագնիտուդով երկրաշարժից եւ օգոստոսի 24-ին տեղի ունեցած եւս մի քանի ստորգետնյա ցնցումներից հետո Իտալիայի Ամատրիչե քաղաքի փողոցների տեսագրությունը, տեղեկացնում Է «Արմենպրես»-ը:
Շուրջ երեք հազար բնակչություն ունեցող այդ բնակավայրը գտնվում Է լեռնային տեղանքում: Բացի դրանից, հարվածն իրենց վրա են ընդունել Պեսկարա դել Տրոնտոն եւ Ակումուլին: Ցնցումներն զգացվել են նաեւ Հռոմում:
Ինչպես նշել Է Ամատրիչեի քաղաքագլուխ Սերջիո Պիրոցին, «քաղաքի կեսն անհետացել Է»: Շատ շենքեր հիմնահատակ քանդվել են, մի մասը լրջորեն վնասված Է: Վերջին տվյալներով, որոնք հայտնում Է Reuters-ը, տարերքը 38 մարդու կյանք Է խլել:
Բաժանորդագրվեք մեր ալիքին Telegram-ում