Ադրբեջանից բռնագաղթած քաղաքացիների բնակտարածքները կսեփականաշնորհվեն
12:19, 24 Օգոստոս 2016
ԵՐԵՎԱՆ, 24 ՕԳՈՍՏՈՍԻ, ԱՐՄԵՆՊՐԵՍ: Կառավարության որոշմամբ՝ կենցաղային պայմանները բարելավելու նպատակով տարածքներ կհատկացվեն 1988-1992 թվականներին Ադրբեջանի Հանրապետությունից բռնագաղթած և Հայաստանի Հանրապետության քաղաքացիություն ստացած անձանց:
Ինչպես հաղորդում է «Արմենպրես»-ը, այդ մասին որոշման նախագիծն ընդգրկված է կառավարության օգոստոսի 25-ի նիստի օրակարգում: Հարցն առնչվում է Երևանի Մոլդովական 70 հասցեի հանրակացարանային թիվ 1 մասնաշենքում, Երևանի Վարդաշեն 6-րդ փողոցի 66/1 և Երևանի Շիրակի 2ա/7 հասցեներում գտնվող հանրակացարաններում բնակվող քաղաքացիներին, ովքեր, սակայն, այդ տարածքների սեփականատերը չեն հանդիսանում:
Կառավարության որոշմամբ` զբաղեցված բնակելի տարածքները կսեփականաշնորհվեն:
Բաժանորդագրվեք մեր ալիքին Telegram-ում